Politika e privatësisë

1. Kush jemi

Aplikacioni dhe programet AURA ofrohen nga ENTECH.AL SH.P.K., Shqipëri. Për çdo pyetje mbi privatësinë na shkruani në [email protected].

2. Çfarë bën aplikacioni

Aplikacioni AURA është një hyrje e thjeshtë drejt programeve tona online (pos.entech.al, bar.entech.al, channelmanager.entech.al). Ai nuk përdor kamerën, mikrofonin, kontaktet apo vendndodhjen tuaj dhe nuk ka reklama.

3. Të dhënat që mbledhim

• Të dhënat e llogarisë: emri, emaili ose emri i përdoruesit dhe fjalëkalimi (i ruajtur i enkriptuar), të cilat i përdorni për t'u identifikuar.
• Të dhënat e biznesit që futni vetë: p.sh. artikuj, çmime, fatura, kuponë, klientë, porosi, rezervime dhe dhoma. Këto të dhëna janë tuajat dhe ne i përpunojmë vetëm për t'ju ofruar shërbimin.
• Pyetjet drejtuar asistentit AURA: mesazhet që i shkruani asistentit përpunohen për t'ju dhënë përgjigje.
• Të dhëna teknike: regjistra bazë të serverit (adresa IP, koha dhe lloji i pajisjes) për sigurinë dhe zgjidhjen e problemeve.
• Në pajisjen tuaj: aplikacioni ruan vetëm programin që keni zgjedhur të hapet automatikisht. Kjo nuk dërgohet te ne.

4. Si i përdorim

Të dhënat përdoren vetëm për të ofruar dhe përmirësuar programet AURA, për fiskalizimin e faturave sipas ligjit, për mbështetje teknike dhe për sigurinë e llogarisë. Ne nuk i shesim të dhënat tuaja dhe nuk i përdorim për reklama.

5. Me kë i ndajmë

Faturat dhe kuponët fiskalë dërgohen te autoritetet tatimore, siç e kërkon ligji për fiskalizimin. Përdorim gjithashtu partnerë teknikë të besuar (p.sh. për serverët dhe shërbimet që mundësojnë funksionet e programit), të cilët i përpunojnë të dhënat vetëm sipas udhëzimeve tona. Të dhënat mund të jepen edhe kur e kërkon ligji.

6. Siguria

Lidhjet midis aplikacionit dhe serverëve tanë janë të enkriptuara (HTTPS). Qasja në të dhëna kufizohet vetëm te personat që kanë nevojë për to për të ofruar shërbimin.

6.1 Regjistrimi online dhe bilanci

• Në regjistrim mbledhim emrin e biznesit, NIPT, personin e kontaktit, telefonin dhe emailin. Emailin e konfirmojmë me një kod 6-shifror.
• Bilanci vjetor që ngarkoni përdoret vetëm për llogaritjen e çmimit sipas xhiros. Nuk ndahet me palë të treta dhe nuk dërgohet te asnjë shërbim i jashtëm: shuma e shitjeve neto lexohet vetëm në serverin tonë. Skedari ruhet i enkriptuar, e hap vetëm administratori i ENTECH (çdo hapje regjistrohet) dhe fshihet pas verifikimit ose, më së voni, pas 30 ditësh. Pas fshirjes ruajmë vetëm vlerën e xhiros.
• Gjatë abonimit llogarisim çdo muaj vetëm totalin e faturave të fiskalizuara në AURA, për të kontrolluar fashën e çmimit.
• Për pranimin e kushteve ruajmë versionin, datën dhe adresën IP.

7. Sa kohë i mbajmë

Të dhënat i mbajmë për aq kohë sa llogaria juaj është aktive. Dokumentet fiskale dhe kontabël ruhen për afatin që kërkon ligji shqiptar.

8. Të drejtat tuaja dhe fshirja e llogarisë

Keni të drejtë të kërkoni qasje, korrigjim ose fshirje të të dhënave tuaja, si dhe fshirjen e llogarisë. Na shkruani nga emaili i llogarisë në [email protected] dhe ne e përpunojmë kërkesën brenda 30 ditëve. Të dhënat që ligji na detyron t'i ruajmë (p.sh. faturat fiskale) fshihen kur mbaron afati ligjor.

9. Fëmijët

AURA është program për biznese dhe nuk u drejtohet personave nën 18 vjeç.

10. Ndryshimet

Nëse e ndryshojmë këtë politikë, versioni i ri publikohet në këtë faqe me datën e përditësimit.