Në një lokal, programi përdoret qindra herë në ditë, shpesh me nxitim, nga staf që ndryshon. Prandaj një program që duket mirë në demo, por që kërkon pesë klikime për një kafe, shpejt bëhet problem. Më poshtë është lista që u rekomandojmë pronarëve të kafeneve, bareve dhe restoranteve para se të zgjedhin.
1. Fiskalizim i shpejtë dhe i sigurt
Kuponi tatimor duhet të dalë i fiskalizuar me një prekje, me NIVF dhe kod QR, pa e mbajtur klientin në pritje. Pyesni gjithashtu çfarë ndodh kur bie interneti: programi duhet të vazhdojë të punojë dhe ta fiskalizojë kuponin vetë sapo kthehet lidhja. Si funksionon fiskalizimi e shpjegojmë te Si fiskalizohet një faturë.
2. Tavolinat dhe zonat
Kamarieri duhet ta shohë sallën ashtu siç është: tavolinat e lira, të zëna dhe ato me paragon të printuar, të ndara sipas zonave si salla, tarraca, bari ose VIP. Për restorantet ka rëndësi të shihet edhe vlera e porosisë dhe sa kohë ka që klienti është ulur. Duhet të mund të bashkohen tavolinat kur vjen një grup.
3. Porosia direkt në kuzhinë dhe banak
Porosia nuk duhet të kalojë me letër. Kur kamarieri e hedh, ajo duhet të shkojë në ekran ose në printer te stacioni i duhur: pijet te banaku, gatimet në kuzhinë, picat te furra, ëmbëlsirat te stacioni i tyre. Kjo ul gabimet dhe pritjen, sidomos kur lokali është plot.
4. PIN për çdo kamarier dhe kontroll i anulimeve
Çdo kamarier duhet të hyjë me PIN-in e vet. Kështu çdo porosi, pagesë dhe anulim ka një emër. Anulimet duhet të kërkojnë arsye dhe të regjistrohen. Pronari ose menaxheri duhet të mund ta ndryshojë PIN-in kur dikush e harron ose largohet nga puna.
5. Turnet, mbyllja e xhiros dhe Z-raporti
Në fund të turnit, mbyllja duhet të bëhet me një klik: sa u shit, sa në cash, sa me kartë, sipas kamarierit. Z-raporti duhet të printohet vetë. Nëse mbyllja kërkon gjysmë ore llogari me dorë, programi nuk po ju ndihmon.
6. Menu, receta dhe stok
Për restorantet, menuja duhet të lidhet me recetat. Kur shitet një pjatë, programi zbret vetë përbërësit nga stoku. Kështu e dini çfarë ju ka mbetur dhe kuptoni më shpejt humbjet. Edhe për barin, artikujt e preferuar dhe kategoritë e qarta e bëjnë shitjen më të shpejtë.
7. Raporte që i sheh pronari
Pronari duhet të shohë nga telefoni shitjet e ditës, produktet më të shitura, orët më të ngarkuara dhe shitjet e çdo kamarieri, edhe kur nuk është në lokal. Nëse keni më shumë se një lokal, raportet duhet të ndahen sipas lokalit, por të shihen nga një llogari.
8. Pajisjet dhe mbështetja
Pyesni nëse duhet të blini pajisje të reja. Një program që punon në shfletues mund të përdoret në ekran me prekje, tablet ose telefon. Për kupon tatimor duhet një printer termik. Po aq e rëndësishme është mbështetja: kush e instalon, kush e trajnon stafin dhe kujt i telefononi të shtunën në mbrëmje kur diçka nuk shkon.
Detyrimet e fiskalizimit për sektorin tuaj, si deklarimi i arkës ose rregullat për kuponët, kontrollojini me kontabilistin ose me administratën tatimore.
Si i plotëson këto AURA Bar · Restorant
AURA Bar · Restorant është ndërtuar për ritmin e lokalit: planimetri tavolinash me zona, kamarierë me PIN 4-shifror, porosi në ekran ose printer për kuzhinën dhe stacionet e ndara, paragon dhe kupon tatimor i fiskalizuar, turne, mbyllje xhiroje me një klik dhe Z-raport. Ka menu, receta që zbresin përbërësit nga stoku, financën e lokalit dhe raporte sipas kamarierit, produktit, orës dhe ditës. Punon në ekran me prekje, tablet ose telefon, dhe mund të mbajë disa lokale nën një pronar.
Instalimin, hedhjen e menusë, trajnimin e stafit dhe mbështetjen i bën ekipi ENTECH. Paketat i gjeni te Paketat.